Sprautar Ajax á matinn til að freistast ekki

Raunveruleikastjarnan Kim Kardashian trúði útvarpsmanninum Ryan Seacrest fyrir því að hún úðaði hreinsivökva á matinn sinn til að koma í veg fyrir að hún borði of mikið.

„Ég sprauta Ajaxi yfir matinn svo ég freistist ekki til að borða hann," sagði raunveruleikastjarnan. Þegar Seacrest spurði hlessa hvort hún gengi með úðabrúsann í veski sínu hló stúlkan og svaraði:

„Ég nota Ajaxið bara heima. Þegar ég borða úti þá helli ég sódavatni yfir matinn minn." Megrunaraðferðir stjarnanna eru því eins misjafnar og þær eru margar.