Bandaríkin hættir við boð í HM 2018

Bandaríkin hefur dregið boð sitt til að halda heimsmeistaramótið í knattspyrnu árið 2018 til baka. Þar með er ljóst að keppnin muni fara fram í Evrópu.

Fjögur boð eru enn í gildi. England og Rússland vilja fá að halda mótið og þá eru sameiginleg boð frá Belgíu og Hollandi annars vegar og Spáni og Portúgal hins vegar.

Bandaríkin ætlar þó að bjóða í keppnina sem verður haldin 2022. Keppinautar þeirra um þá keppni verða Ástralía, Japan, Suður-Kórea og Katar.

Englendingar höfðu gert samkomulag um að hætta við boð sitt í HM 2022 ef ljóst yrði að keppnin yrði haldin í Evrópu. Af þeim sökum hefur England dregið boð sitt til að halda keppnina árið 2022 til baka.

Tilkynnt verður þann 2. desember næstkomandi hvar keppnirnar verða haldnar bæði árið 2018 og 2022.