Danir ætla að gera enn betur

"Við gerðum alltof mörg grundvallar mistök og ég líð það ekki," sagði Morten Olsen þjálfari Dana eftir 2-1 sigur gegn Kamerún í gær. Danir spila úrslitaleik við Japan um sæti í 16-liða úrslitunum en þann leik þurfa þeir að vinna.

Kamerún komst yfir eftir skelfileg mistök markmannsins Tomas Sörensen og Christian Paulsen og Sörensen gerðu svipuð mistök í seinni hálfleik.

"Við verðum að laga þetta. Ég var ekki ánægður en við sýndum hetjulega baráttu. Það spiluðu ekki allir vel en þeir börðust."

Daniel Agger kallaði leikinn verstu frammistöðu Dana í langan tíma. "Við byrjuðum skelfilega. En við sköpuðum mörg færi í seinni hálfleiknum þegar leikurinn opnaðist," sagði fyrirliðinn.