Sniðganga verðlaunaafhendinguna

Sex ríki ætla að sniðganga afhendingarathöfn Friðarverðlauna Nóbels í næsta mánuði. Þar verður kínverski andófsmaðurinn og rithöfundurinn Liu Xiaobo heiðraður, í mikilli óþökk stjórnvalda í Peking. Hann afplánar nú 11 ára fangelsisdóm.

Geir Lundestad, ritari norsku Nóbelsnefndarinnar, segir að sendiherrar Kína, Rússlands, Kasakstan, Kúbu, Íraks og Marakkó verði ekki viðstaddir athöfnina sem fer fram 10. desember í Osló. Hann segist ekki vita til þess að áður hafi sendiherrum með svo afgerandi hætti verið meinað að mæta í verðlaunaafhendingu þegar verðlaunin hafi verið veitt.

Geir segir ennfremur að kínversk stjórnvöld ætli ekki að leyfa ættingjum Xiaobo að fara til Noregs og veita friðarverðlaununum viðtöku fyrir hans hönd.