Við erum ekkert stórkostlegt lið - Frakkar enn í áfalli

Thierry Henry gekk af leikvangnum eftir tap Frakka gegn Mexíkó án þess að yrða á nokkurn mann. Stemningsleysi Frakka virðist vera algjört og fyrirliðinn er enn í áfalli.

"Ég er enn í losti eftir þetta tap, við höguðum okkur eins og við værum bara einhver lítil fótboltaþjóð," sagði Patrice Evra.

"Við fengum gott kjaftshögg og við sáum það aldrei koma. Það var slæmt að fá á okkur fyrsta markið en ég hélt að við myndum koma til baka. Við gerðum það ekki."

"Það er ekki mikið hægt að segja um þetta, ennþá. Við þurfum að vinna Suður-Afríku en hvað varðar að komast upp úr riðlinum trúi ég ekki á kraftaverk."

"Við erum ekkert stórkostlegt lið," sagði fyrirliðinn.