Fabregas ósáttur við að vera á bekknum

Cesc Frabegas leikmaður Spánverja viðurkennir að hann sættir sig ekki við það að sitja á bekknum en hann mátti gera það í síðasta leik liðsins er liðið tapaði óvænt 1-0 fyrir Sviss. Fabregas segist ekki láta þetta valda sér vonbrigðum heldur ætli hann að gera sitt besta til þess að komast í liðið hjá þjálfaranum Del Bosque og nota reiði sína í það. „Annað hvort er maður reiður eða er sama, ég er reiður. Ég fer í gegnum reiðina með því að gera mitt besta á æfingarsvæðinu og sanna það að ég sé tilbúinn til að spila í byrjunarliðinu," sagði Fabregas við Sky Sport. „Ég er ekki að spila eins mikið og ég hefði óskað en það er skiljanlegt að þjálfarinn velji aðra leikmenn þar sem við erum með mjög sterkan leikmannahóp," bætti Fabregas við. „Það er eðlilegt að ég vilji spila meira. Fótbolti er líf mitt og ég er búinn að undirbúa mig í allan vetur fyrir þetta mót og vill gera mitt besta fyrir liðið."