Domenech: Anelka neitaði að biðjast afsökunar

Raymond Domenech, landsliðsþjálfari Frakka, segir að framherjinn Nicolas Anelka hafa ekki viljað biðjast fyrirgefningar eftir orðastríð þeirra félaga fyrr í vikunni. Anelka lét þjálfarann heyra það í hálfleik þegar Frakkar mættu Mexico. Þjálfarinn segist hafa gefið leikmanninum tækifæri á að biðjast afsökunar en Anelka vildi það ekki og var svo sendur heim í kjölfarið. ,,Ég ræddi aftur við hann og gaf honum möguleika á því að biðjast afsökunar eftir það sem gerðist," sagði Domenech. ,,En það var eitthvað sem hann var ekki tilbúinn að gera," bætti Domenech við. Allt er í lausu lofti hjá liðinu en nú er framkvæmdastjóri Frakka hættur störfum og farinn heim sem og leikmenn liðsins neita að æfa eftir rifrildi á æfingarsvæðinu. Franska landsliðið verður að ná sigri gegn Suður-Afríku á þriðjudag til að komast áfram í 16-liða úrslitin á HM þar sem liðið er einungis með eitt stig eftir tvo leiki í A-riðli.