Danir unnu Kamerún og spila hreinan úrslitaleik við Japan

Danir spila hreinan úrslitaleik við Japan um hvor þjóðin fer með Hollandi, að öllum líkindum, upp úr riðli sínum á HM. Danir voru að leggja Kamerún 2-1. Kamerún fékk óskabyrjun þegar klúður Dana varð til þess að þeir skoruðu. Thomas Sörensen sendi fáránlega sendingu á Simon Kjær sem sendi síðan fáránlega sendingu ætlaða bakverðinum hægra megin. Sú sending fór beint á leikmann Kamerún sem sendi inn í teig á Samuel Eto´o sem þakkaði fyrir sig og skoraði gott mark. En Nicklas Bendtner jafnaði metin eftir frábæran undirbúning. Simon Poulsen átti þá frábæra sendingu á Dennis Rommendahl sem óð upp kantinn og sendi á Bendtner sem skoraði í autt markið. Rommendahl sjálfur skoraði svo sigurmarkið þegar góð sókn upp hægri kantinn lauk með því að hann lék á Jean Makoun og skoraði laglegt mark. Eto´o átti skot í stöng eftir önnur mistök Sörensen og Danir voru í nauðvörn undir lok leiksins. Kamerún fékk ágæt færi til að skora en náði því ekki. Lokatölur 2-1 fyrir Dönum sem mæta Japan næst í úrslitaleiknum um laust sæti í 16-liða úrslitunum. Kamerún er svo gott sem úr leik nema það vinni stórsigur á Hollendingum og fái hagstæð úrslit úr hinum leiknum líka.