Svisslendingar lögðu Evrópumeistarana

Þau ótrúlegu úrslit voru að eiga sér stað að Sviss vann Spán á HM í knattspyrnu. Úrslitin 1-0 í ótrúlegum leik.

Spánverjar voru betri í leiknum en þó gekk þeim illa að skapa sér færi.

Svisslendingar komust yfir í seinni hálfleik. Eftir markspyrnu unnu þeir skallaeinvígi og Carles Puyol gerði mistök. Gelson Fernandes komst í gegn, hann skaut að marki en Gerard pique varði, en Fernandes náði frákastinu og skoraði af miklu harðfylgi.

Spánverjar settu þá Fernando Torres inn á og hann lífgaði upp á leik liðsins. Xabi Alonso skaut í slá en Svisslendingar skutu svo í stöngina skömmu síðar.

Þrátt fyrir að halda boltanum nánast úr leikinn náðu Spánverjar einfaldlega ekki að skora. Vörn Svisslendinga var mjög þétt og þeir hafa nú ekki fengið á sig mark í fimm leikjum í röð á Heimsmeistaramóti.

Úrslitin eru þau lang óvæntustu á mótinu og þótt leitað væri lengra aftur í tímann.