Adriano gæti farið til Roma, Real Madrid eða Barcelona

Gilmar Rinaldi, umboðsmaður brasilíska knattspyrnumannsins Adriano, segir leikmanninn sinn gæti farið til Roma, Real Madrid eða Barcelona þegar hann snýr aftur í evrópska fótboltann á næsta tímabili.

Adriano hefur endurlífgað fótboltaferil sinn hjá brasilíska liðinu

Flamengo eftir að hafa flúið heim frá ítalska liðinu Inter á síðasta ári.

„Adriano gætið komið aftur til Evrópu ef hann kemst að hjá liði með brasilíska leikmenn. Það gætu verið lið eins og Roma, Real Madrid eða Barcelona," sagði Rinaldi við ítölsku útvarpsstöðina Centro Suono Sport.

„Hann vill snúa aftur og ég mun fara til Evrópu á næstunni til þess að kanna það sem stendur honum til boða," sagði Rinaldi en skjólstæðingur hans hefur skorða 24 mörk í öllum keppnum með Flamengo á þessu eina ári.