Í fötunum í kynlífsatriði með Naomi

Leikarinn Samuel L. Jackson var mestmegnis í fötunum við upptökur á kynlífsatriði í sinni nýjustu mynd, Mother and Child. Þar lék hann á móti hinni áströlsku Naomi Watts.

„Ég er ekki tilbúinn fyrir nektina. Trúið mér, þið viljið ekki sjá mig allan á stóra tjaldinu. Naomi og ég vorum að kela en við vorum að mestu í fötunum okkar," sagði Jackson.

Hann hefur í nógu að snúast um þessar mundir. Síðast lék hann í Iron Man 2 og síðar á þessu ári er væntanleg gamanmyndin The Other Guys. Hann snýr einnig aftur sem Nick Fury í Captain America: The First Avenger.