Tógó-maðurinn sem reis upp frá dauðum kominn til Frakklands

Kodjovi Obilale, markvörður Tógó, er kominn til Frakklands þar sem hann mun fá frekari læknismeðferð en hann slasaðist mjög alvarlega er gerð var árás á landslið Tógó fyrir Afríkukeppnina.

Svo illa slasaðist Obilale í skotárásinni að einhverjir fjölmiðlar sögðu hann látinn. Svo reyndist ekki vera þó svo það hafi staðið tæpt um tíma.

Svo umfangsmikil og dýr er læknismeðferðin að franska knattspyrnusambandið hefur ákveðið að greiða fyrir hana. Obilale spilar með franska 4. deildarliðinu Pontivy.