Umfjöllun: Fram hafði betur gegn fámennum Fylkismönnum

Fram vann baráttusigur gegn Fylki í Árbænum í Visa-bikarnum, 0-2. Það var Hjálmar Þórarinsson skoraði bæði mörk Frammara í sitthvorum hálfleiknum. Fylkismenn voru afar ósáttir með framgöngu Jóhannesar Valgeirssonar, dómara, en hann veifaði tveimur rauðum spjöldum á leikmenn Fylkis og einnig fékk Ólafur Þórðarson að líta rauða spjaldið fyrir mótmæli.

Nokkuð jafnræði var með liðunum í upphafi leiks og sóttu bæði lið nokkuð af nokkrum krafti. Fylkir fékk fyrsta alvöru færi leiksins á 14. mínútu þegar Albert Brynjar Ingason fékk frábært marktækifæri er hann fékk frábæra sendingu frá Ingimundi Níels Óskarssyni inn fyrir vörn Fram. Hannes Þór Halldórsson, markvörður Fram, sá hins vegar við honum úr þröngu færi.

Fyrsta mark leiksins leit dagsins ljós á 32. mínútu. Frammarinn Hjálmar Þórarinsson skoraði glæsilegt mark eftir langa sendingu frá Almarri Ormarssyni inn fyrir vörn Fylkis. Hjálmar afgreiddi boltann glæsilega í fjærhornið framhjá Fjalari Þorgeirssyni, sem var þó í boltanum.

Litlu munaði að Fram færi inn í hálfleik með tveggja marka forystu því Pape Mamadou Faye sendi boltann hreinlega beint í lappirnar á Hjámar Þórarinsson sem var kominn einn á móti Fjalari sem varði í horn.

Það voru ekki liðnar nema tvær mínútur af síðari hálfleik þegar Andrés Már Jóhannesson fékk að líta sitt annað gula spjald fyrir að spyrna boltanum í burtu eftir að dómarinn hafði dæmt aukaspyrnu. Rauða spjaldið var strangur dómur og var Ólafur Þórðarsson, þjálfari Fylkis afar óánægður með dómgæsluna. Fyrir mótmæli sín uppskar hann sitt annað gula spjald og var vísað af varamannabekknum.

Þrátt fyrir að vera leikmanni færri voru það Fylkismenn sem voru líklegri til að jafna leikinn. Vonin varð hins vegar afar lítil eftir að Ásgeir Börkur Ásgeirsson fékk réttilega að líta beint rautt spjald þegar hann gaf Almarri Ormarssyni olnbogaskot. Við það blésu Frammarar til sóknar og uppskáru annað mark á 83. mínútu þegar Hjálmar Þórarinsson skoraði af stuttu færi eftir góða fyrirgjöf frá Ívari Björnssyni.

Hjálmar var ekki langt frá þrennunni undir lok leiksins en sigur Frammara varð ekki stærri og geta Safamýrapiltar vel við unað að vera komnir í 8- liða úrslit. Fylkismenn voru ekki síðri aðilinn í leiknum en ljóst er að þeir eru að brjóta of mikið af sér og uppskera rauð spjöld upp úr litlu.

Fylkir - Fram 0-2

0-1 Hjálmar Þórarinsson (32.)

0-2 Hjálmar Þórarinsson (83.)

Áhorfendur: 511

Dómari: Jóhannes Valgeirsson

Skot (á mark): 7-7 (2-5)

Varin skot: Fjalar 3 - Hannes 2

Horn: 6-10

Aukaspyrnur fengnar: 13-16

Rangstöður: 1-3

Fylkir 4-4-2:

Fjalar Þorgeirsson

Kristján Valdimarsson

Ásgeir Börkur Ásgeirsson

Ólafur Ingi Stígsson

(85. Ásgeir Örn Arnþórsson)

Þórir Hannesson

Ingimundur Níels Óskarsson

Andrés Már Jóhannesson

Pape Faye

(75. Jóhann Þórhallsson)

Kjartan Ágúst Breiðdal

Alberg Brynjar Ingason

Einar Pétursson

(63. Valur Fannar Gíslason)

Fram 4-5-1:

Hannes Þór Halldórsson

Kristján Hauksson

Halldór Hermann Jónsson

Jón Gunnar Eysteinsson

Samuel Tillen

Hjálmar Þórarinsson

Almarr Ormarsson

(88. Guðmundur Magnússon)

Ívar Björnsson

Jón Guðni Fjóluson

Tómas Leifsson

(72. Hlynur Atli Magnússon)

Jón Orri Ólafsson