Bierhoff: Fjarvera Thomas Muller breytir miklu

Oliver Bierhoff, fyrrum framherji Þýskalands og núverandi liðsstjóri, segir að það skipti hreinlega öllu máli að Thomas Muller geti ekki spilað í leiknum gegn Spáni á morgun.

Muller verður í banni en annars eru allir klárir hjá Þjóðverjum.

"Á stórmótum kemur lið sér í gírinn og því er Thomas hlekkur í keðjunni sem mun vanta. Hann hefur verið aælveg frábær á mótinu," sagði Bierhoff.

Cacau, Piotr Trochowski og Mario Gomez gætu allir komið inn í liðið fyrir Muller.

"Liðið hefur brugðist ótrúlega við því þegar lykilmenn vantar en fjarvera Thomasar er áfall," sagði Bierhoff.