Davids sagður hafa slegið konu í bíó

Hollenski miðjumaðurinn Edgar Davids, sem leikur með Crystal Palace þessa dagana, hefur verið kærður til lögreglunnar fyrir að slá konu utan undir í bíóhúsi.

Atvikið átti sér stað í Amsterdam þar sem Davids var að skemmta sér með unnustu sinni og vinum.

Málsatvik eru sögð vera þannig að tvær konur sátu í sætum sem Davids var búinn að bóka. Konurnar neituðu að færa sig og upphófst í kjölfarið mikið rifrildi. Það endaði með því að Davids rak konunni svo hraustlegan kinnhest að hún fékk glóðarauga.

Þetta er ekki í fyrsta skipti sem Davids kemst í kast við lögin vegna ofeldis í garð kvenna en fyrrum unnusta hann sakaði hann um ofbeldi árið 2002.