Lífið

Bróðir Cheryl Cole rændi pósthús með sveðju

Söngkonan og tískutáknið á ekki sjö dagana sæla um þessar mundir. Hún stendur í erfiðum skilnaði og nú er bróðir hennar á leið í steininn. Nordicphotos/Getty
Söngkonan og tískutáknið á ekki sjö dagana sæla um þessar mundir. Hún stendur í erfiðum skilnaði og nú er bróðir hennar á leið í steininn. Nordicphotos/Getty

Bróðir bresku söngkonunnar Cheryl Cole hefur verið ákærður fyrir að ræna pósthús. Andrew Tweedy, 29 ára, er í haldi lögreglu, sakaður um að eiga þátt í ráninu þar sem nokkrir menn vopnaðir byssu og sveðju ógnuðu starfsfólki og komust undan með þúsundir punda.

Tweedy er upprunalegt ættarnafn Cheryl en hún tók upp Cole-nafnið þegar hún giftist fótboltamanninum Ashley Cole.

Breska dagblaðið The Sun greinir frá því að lögregla hafi yfirheyrt níu manns vegna málsins. Þar á meðal hafi verið Emma Stanners sem er kærasta Tweedy og barnsmóðir hans. Hún er ákærð fyrir peningaþvætti.

Gæfulegur. Mynd af umræddum bróður.
Bróðirinn hefur margoft lent í veseni áður og hefur Cheryl oft komið honum til hjálpar. Nú finnst henni of langt gengið og hefur hún neitað að borga lögfræðikostnaðinn fyrir hann.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.