Britney bað pabba um nýjan kærasta

Söngkonan Britney Spears er víst komin með nóg af kærasta sínum, umboðsmanninum Jason Trawick, og hefur beðið föður sinn um að finna handa henni nýjan kærasta.

Samkvæmt heimildarmanni hefur söngkonan afhent föður sínum lista með draumamönnum sínum, en þeirra á meðal eru leikarinn Ryan Phillippe, raunveruleikastjarnan Doug Reinhardt og Avatar-stjarnan Sam Worthington.

 „Britney vill helst vera búin að finna nýjan kærasta áður en hún hættir með Jason. Hún þolir ekki að vera ein og vill þess vegna að pabbi hennar gangi strax í málið.“