Halle Berry öfundsjúk út af nýrri kærustu

Fjölmiðlar hið vestra halda áfram að velta sér upp úr sambandsslitum Óskarsverðlaunahafans Halle Berry og fyrrum sambýlismanns hennar, Gabriels Aubry. Nýjustu fregnir herma að Aubry hafi þegar fundið sér nýja kærustu og ku sú starfa sem fyrirsæta líkt og hann.

„Að vita það að Gabriel hafi komist svo fljótt yfir sambandsslitin og sé farinn að hitta aðra konu gerir Halle mjög öfundsjúka. Gabriel dvaldi mikið í heimalandi sínu, Kanada, á meðan þau voru saman og Halle óttaðist oft að hann væri farinn að hitta aðra konu," var haft eftir heimildarmanni.