City reynir allt til þess að fá James Milner

Manchester City ætlar greinilega að reyna allt til þess að fá James Milner, leikmann Aston Villa, í sínar raðir en félagið er nú að undirbúa tuttugu milljón punda tilboð í leikmanninn auk þess að leggja til leikmann sem Aston Villa fær þá í skiptunum. Talið er að einhver af Shaun Wright-Phillips, Stephen Ireland, Micah Richards eða Nedum Onuoha fái að fylgja með þessu tilboði City manna. Líklegt er að félagið leggii fram tilboð sitt í næstu viku en Roberto Mancini, stjóri Manchester City, vill ólmur ganga frá nokkrum leikmannakaupum áður en að Heimsmeistaramótið byrjar í sumar. James Milner átti gott tímabil með Aston Villa í vetur en hann var kosinn besti ungi leikmaðurinn í ensku úrvalsdeildinni eftir veturinn.