Frakkar búnir að byrja þrjú stórmót í röð á markaleysi

Frakkar sýndu ekki hugmyndaríkan eða sókndjarfan leik í gær þegar þeir mættu Úrúgvæ í fyrsta leik sínum á HM í Suður-Afríku. Liðin gerðu markalaust jafntefli og Frakkar ógnuðu ekki mikið þrátt fyrir að vera manni fleiri síðustu tíu mínúturnar.

„Við náðum ekki að klára sóknirnar okkur. Við verðum að fara skora mörk," sagði Raymond Domenech, þjálfari Frakka, en franska liðinu hefur ekki tekist að skora í fyrsta leik sínum á stórmóti undir hans stjórn eða á þremur síðustu stórmótum sínum.

Emmanuel Petit er pistlahöfundur franska blaðsins L'Equipe. „Leikmenn verða að fara að hætta að hugsa um það hverjir þeir eru og stoppa að spilaeins og þeir séu eini bjargvættur franska liðsins. Leikirnir vinnast með liðsheild," skrifaði Petit sem varð Heims- og Evrópumeistari með franska landsliðinu.

Fyrstu leikir Frakka á síðustu stórmótum:

HM 2010 í Suður-Afríku

0-0 jafntefli við Úrúgvæ

Næsti leikur: Á móti Mexíkó á

EM 2008 í Sviss og Austurríki

0-0 jafntefli við Rúmeníu

Næsti leikur: 1-4 tap fyrir Holland

HM 2006 í Þýskaland

0-0 jafntefli á móti Sviss

Næsti leikur: 1-1 jafntefli við Suður-Kóreu

EM 2004 í Portúgal

2-1 sigur á Englandi

Næsti leikur: 2-2 jafntefli við Króatíu

HM 2002 í Japan og Suður-Kóreu

0-1 tap fyrir Senegal

Næsti leikur: 0-0 jafntefli við Úrúgvæ