Mörkin úr A-riðli - myndbönd

Nú má sjá öll mörk dagsins í A-riðli á HM-vef Vísis þar sem reyndar er hægt að sjá öll tilþrifin á HM í Suður-Afríku.

Samantekt úr leikjunum má sjá með því að smella á Brot af því besta á HM-vef Vísis, undir liðnum VefTV.

Lokaumferðin í A-riðli fór fram í dag en Úrúgvæ vann 1-0 sigur á Mexíkó og Suður-Afríkumenn unnu slaka Frakka, 2-1.

Úrúgvæ og Mexíkó komust áfram í 16-liða úrslitin en heimamenn sátu eftir með sárt ennið þar sem liðið var með lakara markahlutfall en Mexíkó. Bæði lið hlutu fjögur stig en Frakkar reka lestina í riðlinum með aðeins eitt stig.

Nú klukkan 18.30 fer fram lokaumferðin í B-riðli. Þá mætast annars vegar Nígería og Suður-Kórea og hins vegar Grikkland og Argentína.