Ronaldinho notaði báða hælana - myndband

Það eru ekki margir knattspyrnumenn sem eru betri með boltann en Brasilíumaðurinn Ronaldinho. Það eru líka til mörg myndband á netinu sem sýna hann leika sér með boltann hvort sem það er á æfingu, í leik eða bara í upphitun.

Nýjasta myndbandið með snilli Ronaldinho er frá upphitun fyrir einn leikinn hjá AC Milan á dögunum. Það hefur alltaf þótt flott að geta sent boltann með hælnum en hvað þá með að nota báða hælana í einu.

Það gerði einmitt Ronaldinho í umræddri upphitun en þetta gerist svo hratt að það þarf hæga endursýningu til þess að gera sér að fullu grein fyrir snilli Ronaldinho með boltann.

Það er hægt að skoða þetta myndbrot með því að smella hér.