Del Bosque nennir ekki að rífast við Aragones

Spænska landsliðið og þjálfari þessu, Vicente Del Bosque, hafa mátt þola harða gagnrýni síðan liðið tapaði fyrir Sviss í opnunarleik sínum á HM.

Luis Aragones, fyrrum landsliðsþjálfari sem stýrði Spáni til EM-titils árið 2008, gagnrýndi Del Bosque mjög harðlega eftir leikinn.

Del Bosque hefur þó ekki neinn áhuga á því að rífast við forvera sinn.

„Það hafa allir rétt á því að tjá skoðanir sínar. Ég mun samt ekki taka þátt í því að rífast við Luis. Þetta snýst ekki um landsliðið mitt eða hans. Þetta snýst um Spán. Ég er hér til þess að ná árangri en ekki til þess að rífast við fyrrum þjálfara," sagði Del Bosque yfirvegaður.