Cole þarf að sanna sig fyrir Capello

Fabio Capello, landsliðsþjálfari Englands, hefur látið Ashley Cole vita af því að hann verði að sýna að hann geti spilað fótbolta áður en tímabilið er búið. Ef ekki komist hann ekki með á HM.

Cole hefur verið meiddur síðan í febrúar er hann ökklabrotnaði. Hann þarf því að komast á lappir fljótlega ætli hann sér að komast með til Suður-Afríku.

„Ég veit að allir leikmennirnir verða ekki í sama forminu. Ef Cole verður til að mynda aðeins 50 prósent maður er ég vel hópinn þá verður hann ekki valinn. Hann mun þurfa að sanna sig og spila leiki," sagði Capello.