Fyrsti titill Kristjáns með HB

Færeyska liðið HB vann í gær titilinn meistarar meistaranna þar í landi. Liðið lagði hina færeysku Víkinga 2-1 í úrslitaleiknum en þetta er annað árið í röð sem HB vinnur þennan árlega leik.

Þórður Steinar Hreiðarsson og Simun Samuelsen spiluðu allan leikinn fyrir HB en þjálfari liðsins er Kristján Guðmundsson. Kristján tók við liðinu í byrjun vetrar og hefur því gengið vel á undirbúningstímabilinu.

Fróði Benjaminsen, fyrrum leikmaður Fram, skoraði fyrra mark HB í leiknum.