Jude og Sienna á leið í hnapphelduna?

Eitt af frægari framhjáhaldsmálum síðasta áratugs var þegar Jude Law hélt framhjá Siennu Miller með fóstru barna sinna árið 2005. Þau byrjuðu síðan aftur saman í haust og hafa verið nánast óskiljanleg síðan.

Nú segja kunnugir að þau séu á leið í hnapphelduna og haldi brúðkaup innan nokkurra mánuða. Jude og Sienna voru trúlofuð á sínum tíma en slitu því þegar upp komst um framhjáhaldið.

Upp á síðkastið hafa þau leitað sér að húsi til að kaupa saman í London. Auk þess er Sienna víst byrjuð að ganga aftur með gamla trúlofunarhringinn. Hún er nú orðin 28 ára gömul og vinir hennar segja hana alveg klára á því hvað hún vill, hjónaband áður en langt um líður, börn og allan pakkann.

„Hún ræður ferðinni í þetta skiptið. Hér áður fyrr kallaði Jude hana „baby" en nú kallar hann hana „boss"," er haft eftir vinum þeirra, sem eru hæstánægðir með ráðahaginn. Enginn kærastanna sem Sienna var með í millitíðinni, m.a. Rhys Ifans og Balthazar Getty, hafi nefninlega komist í hálfkvisti við Jude.