Lagerback ráðinn landsliðsþjálfari Nígeríu

Knattspyrnusamband Nígeríu hefur staðfest að Lars Lagerback sé tekinn við þjálfun landsliðs Nígeríu og mun hann því stýra liðinu á HM næsta sumar en samningur hans er aðeins til fimm mánaða.

Hinn 61 árs gamli Lagerback var áður landsliðsþjálfari Svíþjóðar en sagði upp störfum eftir að honum mistókst að koma liðinu á lokakeppnina.

Fjöldi þekktra nafna úr knattspyrnuheiminum höfðu verið orðuð við stöðuna hjá Nígeríu og nægir þar að nefna Glenn Hoddle og Sven-Göran Eriksson.