Alex Ferguson býst ekki við Beckham í byrjunarliðinu

Sir Alex Ferguson, stjóri Manchester United, hefur ekki trú á því að hans gamli lærisveinn, David Beckham, fái að byrja inn á þegar United og AC Milan mætast á Old Trafford í kvöld í seinni leik liðanna í sextán liða úrslitum Meistaradeildarinnar.

„Hann er ekki búin að byrja leik síðan að hann var í byrjunarliðinu á móti okkur," sagði Sir Alex Ferguson og bætti við: „Ég veit samt ekki hvort að Beckham spili þennan leik en ég er ekki með hann á blaðinu hjá mér," sagði Ferguson.

Það hafa verið mikil læti í kringum Beckham síðan að hann lenti á flugvellinum í Manchester þar sem hann þurfti lögreglufylgd. Beckham kom samt ekki á blaðamannafundinn fyrir leikinn því það er ekki leyfilegt hjá UEFA að sami leikmaður komi á blaðamannfund fyrir bæði heima og útileikinn í útsláttarkeppninni.