Terry í byrjunarliði Chelsea

Carlo Ancelotti, stjóri Chelsea, hefur þegar tilkynnt byrjunarlið sitt fyrir leikinn gegn MSK Zilina í F-riðli Meistaradeildar Evrópu annað kvöld.

Fyrirliðinn John Terry er í byrjunarliðinu og hefur því jafnað sig á sínum meiðslum en hann var rifbeinsbrotinn.

Frank Lampard er hins vegar ekki með þar sem hann er að glíma við kviðslit og þá var ákveðið að hvíla Ashley Cole. Didier Drogba er í banni og þá er Jose Bosingwa meiddur.

Byrjunarlið Chelsea: Cech, Ivanovic, Terry, Alex, Zhirkov, Essien, Benayoun, Mikel, Sturridge, Malouda, Anelka.