Algjört kjaftæði að ég sé að hætta

Hollenski markvörðurinn hjá Man. Utd, Edwin van der Sar, segir það algjört kjaftæði að hann ætli sér að hengja upp hanskana í lok þessa tímabils.

Markvarðaþjálfarinn með flotta nafnið, Eric Steele, lét í það skína fyrr í vikunni að Van der Sar myndi hætta í lok tímabilsins.

Hinn 39 ára gamli Van der Sar vill ekki heyra minnst á slíkt.

"Þetta er algjört bull. Ég veit ekki hvaðan þessar sögur koma en þær eru algjört kjaftæði," sagði Van der Sar.

"Ég hef ekki tekið neina ákvörðun um hvenær ég hætti í fótbolta. Það kemur í ljós þegar líður á tímabilið hvort þetta sé mitt síðasta tímabil eður ei."