Ferguson vill ekki semja við Beckham

Draumur David Beckham um að spila aftur fyrir Man. Utd hefur endanlegaverið eyðilagður því Sir Alex Ferguson, stjóri Man. Utd, hefur engan áhuga á því að semja við eins gamlan leikmann og Beckham.

"Ég hef enga trú á því að þetta geti orðið að veruleika vegna aldurs David. Ég hef aldrei samið við svona gamlan leikmann," sagði Ferguson.

Beckham hefur áhuga á því að reyna fyrir sér í Evrópu eftir áramót og var líka orðaður við Arsenal en hann æfði með liðinu á sínum tíma.

"Ég myndi íhuga að semja við Beckham en við höfum Walcott, Nasri, Rosicky, Arshavin og Eboue sem allir geta leikið á kantinum," sagði Arsene Wenger, stjóri Arsenal.