Leikskólinn opnar eftir svínaflensu

Leikskólinn Aðalþing hóf störf í dag eins og aðra daga og ekki kom til formlegrar lokunar en sex starfsmenn skólans greindust með svínaflensuna fyrir skömmu.

Alls sóttu 90 börn skólann í morgun. Skólanum var aldrei formlega lokað vegna veikindanna.

Landlæknir setur það alfarið í hendur skólastjórnenda að taka ákvarðanir um það hvort loka eigi skólum vegna veikindanna. Þess má geta að ekkert barnanna hefur smitast af flensunni.

Ekki náðist í leikskólastjórann, Guðrúnu Öldu Harðardóttur við vinnslu fréttarinnar.