Framsóknarmenn einhuga um andstöðu gegn Icesave

Einhugur er í þingflokki Framsóknarflokksins um flokkurinn standi einn gegn niðurstöðu Icesave-málsins. Þetta segja bæði Gunnar Bragi Sveinsson þingflokksformaður og Siv Friðleifsdóttir, reynslumesti þingmaður flokksins.

Athygli vakti að fulltrúi Framsóknarflokks, Höskuldur Þórhallsson, var einn á móti þegar aðrir flokkar náðu samkomulagi innan fjárlaganefndar þingsins aðfararnótt laugardags um að lenda Icesave-málinu með sérstökum fyrirvörum af hálfu Alþingis.

Þau Gunnar Bragi og Siv segja bæði að einhugur sé í þingliði framsóknarmanna að baki þessari ákvörðun.