Trapattoni: Frakkar eru veikir fyrir í föstum leikatriðum

Landsliðsþjálfarinn Giovanni Trapattoni hjá Írlandi er vongóður fyrir seinni umspilsleikinn gegn Frakklandi í París annað kvöld um laust sæti á HM næsta sumar.

Írar töpuðu fyrri leiknum 0-1 í Dyflinni og þurfa því að vinna Frakka í París en þar hafa þeir ekki tapað í undankeppni stórmóts í tíu ár. Trapattoni segir mikilvægt að Írar nýti sér veikleika Frakka sem séu föst leikatriði.

„Langflest mörk sem Frakkar fá á sig koma upp úr föstum leikatriðum og þar liggja okkar möguleikar. Við þurfum að halda í vonina vegna þess að það getur allt gerst í fótbolta," sagði Trapattoni á blaðamannafundi í dag.