Þrír einstaklingar hafa verið handteknir vegna gruns um stórfellt fíkniefnabrot. Þetta staðfestir lögreglan.
Mennirnir voru handteknir í grennd við Djúpavog í gærkvöldi. Grunur leikur á að þeir hafi verið að taka fíkniefni úr skútu sem nú siglir nálægt Höfn í Hornafirði.
Ekki er ljóst hvort lögreglan hafi handsamað þá sem stjórna skútunni en umfangsmiklar aðgerðir hafa verið í gangi samkvæmt íbúum bæjarins. Þar mátti sjá þyrlur sveima.
Þær eru núna lentar en Fokker flugvél tók á loft fyrir nokkru.