Fylgist með þessum 2009

Ian Wright, fyrrum markahrókur og núverandi pistlahöfundar The Sun, hefur tekið saman nöfn níu ungra enskra leikmanna sem eru líklegir til að springa út á því ári sem nú er hafið.

Joe Lewis (21. árs, Peterborough)

„Eins og allir aðrir þá var ég hissa þegar Fabio Capello valdi hann í landsliðshópinn fyrir tvo æfingaleiki síðasta sumar. Það eru ekki margir efnilegir markverðir á leiðinni svo það er mikilvægt að hlúa vel að þeim sem við eigum. Hefur verið mikilvægur hjá Peterborough á tímabilinu þó hann hafi átt erfiða byrjun."

Michael Mancienne (20 ára, Chelsea)

„Hefur mikla hæfileika og var því valinn í enska landsliðshópinn fyrir vináttulandsleikinn gegn Þýskalandi. Hann hefur hraða og svo virðist sem hann geti líka lesið leikinn vel. Hann hefur verið að gera góða hluti hjá Úlfunum þar sem hann hefur verið á láni. Mjög spennandi varnarmaður.

Nedum Onuoha (22 ára, Manchester City)

„Er þegar farinn að vekja athygli en ég held að hann eigi möguleika á að slá algjörlega í gegn á árinu ef hann fær það tækifæri sem hann á skilið. Ég hef fylgst vel með honum þegar ég hef verið að fylgjast með Bradley syni mínum. Hann er sterkur varnarmaður en hefur verið óheppinn með meiðsli."

John Bostock (16 ára, Tottenham)

„Miðjumaður og sá yngsti sem leikið hefur með Crystal Palace. Gekk til liðs við Spurs fyrir 700 þúsund pund síðasta sumar. Hann er gríðarlegt efni og ég get skilið það að þeir hjá Palace séu súrir yfir því að hafa misst hann fyrir svona lága upphæð. Lék sinn fyrsta leik fyrir Tottenham í UEFA bikarnum í síðasta mánuði og gæti orðið stórstjarna." Adam Johnson (21. árs, Middlesbrough)

„Ég hef heyrt mjög góða hluti um þennan leikmann og ég get trúað því að hann verði áberandi á árinu. Það er ótrúlegt að sjá hvað Middlesbrough framleiðir marga góða leikmenn. Það er saga sem segir að Steward Downing sé á förum og þá er Johnson tilbúinn að fylla skarðið. Hefur leikið fyrir U21 landsliðið og er að þróast í frábæran leikmann." Adam Lallana (20 ára, Southampton)

„Ég hef séð nokkuð til Southampton á tímabilinu og Lallana skarar þar fram úr. Ég tel hann hafa það sem þarf til að spila í úrvalsdeildinni, kannski strax í þessum mánuði. Fulham reyndi að fá hann í sumar og þá hafa Arsenal og Tottenham áhuga. Hann er lágvaxinn en með mikla hæfileika. Mikilvægt að hann taki rétt skref ef hann ákveður að yfirgefa Southampton." Danny Welbeck (18 ára, Manchester United)

„Það er frábært að sjá enskan leikmann í þessum gæðaflokki verða til hjá svona stóru félagi. Vakti athygli í sínum fyrsta leik með stórglæsilegu marki gegn Stoke. Sýndi með fagni sínu að hann er fullur sjálfstrausts. Við munum sjá mun meira til hans á árinu 2009." Freddie Sears (19 ára, West Ham)

„Hefur sýnt það með vara- og unglingaliði West Ham að hann er fæddur markaskorari. Nú er það bara í hans höndum að vinna sér inn sæti í liðinu og fara að skora reglulega. Hann fær mikinn stuðning frá áhorfendum West Ham þegar hann spilar og það er gott. Ég vona að hann fái að spila meira svo hann geti sýnt hve góður leikmaður hann er." Jay Simpson (19 ára, Arsenal)

„Ég horfði á leik með varaliði Arsenal á dögunum og Simpson heillaði mig mikið. Þá skoraði hann tvisvar í deildabikarleik með aðalliðinu á tímabilinu og ég tel að framtíðin sé ansi björt hjá honum. Það var verið að lána hann til West Brom til að hann öðlist reynslu í úrvalsdeildinni."