Ásmundur Arnarson: Verðum að hætta að gefa ódýr mörk

Ásmundur Arnarson, þjálfari Fjölnismanna, segist sjá jákvæða hluti í leik sinna manna þrátt fyrir tapið gegn Keflvíkingum í kvöld. Það sé hins vegar erfitt að vinna leiki þegar menn gefa ódýr mörk.

"Við gefum leikinn eiginlega frá okkur á fyrstu mínútunum. Eftir það fannst mér við vinna okkur inn í leikinn. Náðum upp ágætu spili og börðumst vel. það vantaði bara herslumuninn að setja á þá mark fyrr í leiknum."

Þó að Fjölnismenn hafi uppskorið mark viðurkennir Ásmundur að það hafi verið of lítið, of seint.

"Við hefðum þurft að setja markið þegar staðan var ennþá 2-0."