Umfjöllun: Keflvíkingar sigruðu Fjölni örugglega

Keflvíkingar unnu Fjölnismenn örugglega, með þremur mörkum gegn einu á heimavelli sínum í Keflavík í dag.

Þó að Fjölnismenn hafi átt fyrsta færi leiksins tóku Keflvíkingar snemma öll völd á heimavelli sínum í dag. Símun Samuelsen var skapandi á miðjunni og átti margar góðar sendingar á framherja Keflavíkur.

Fyrsta markið datt svo inn á 12. mínútu. Hörður Sveinsson hirti knöttinn af kærulausum bakverði Fjölnismanna og sendi hann fyrir þar sem Magnús Þórir Matthíasson var mættur til að skalla hann í stöngina og inn.

Ekki leið á löngu áður en Keflvíkingar voru búnir að bæta öðru marki við. Símun sendi knöttinn í áttina að Herði Sveinssyni sem gabbaði varnarmenn Fjölnis með því að láta boltann fara. Magnús Sverrir Þorsteinsson komst þannig einn í gegn og sendi boltann auðveldlega í markið.

Eftir þetta slökuðu Keflvíkingar örlítið á. Fjölnismenn reyndu hvað þeir gátu að setja mark í leikinn en uppskáru ekki mikið meira en nokkur hálffæri.

Á 81. mínútu gerðu Keflvíkingar svo út um leikinn með einu af fallegri mörkum sumarsins til þessa. Þeir unnu boltann djúpt á eigin vallarhelmingi og sóttu hratt fram á fjórum mönnum. Boltinn gekk hratt manna á milli þar til Simun sendi hann á Hauk Inga Guðnason sem var nýkominn inn á. Haukur Ingi fékk boltann með bakið í markið en hann snéri laglega á varnarmann Fjölnismanna og setti hann í netið.

Fjölnismenn fengu mark í sárabót skömmu síðar en markvörður Keflvíkinga hafði þá reynt að kýla knöttinn í burtu en það heppnaðist ekki betur en svo að hann kýldi leikmann FJölnis í andlitið í leiðinni. Eyjólfur Kristinsson, ágætur dómari leiksins, dæmdi víti sem Gunnar Már Guðmundsson kláraði örugglega.

Fátt markvert gerðist eftir þetta og stuðningsmenn Keflvíkingar gengu því sáttir frá velli.

Keflavík - Fjölnir 3-1

1-0 Magnús Þórir Matthíasson (12.)

2-0 Magnús Sverrir Þorsteinsson (20.)

3-0 Haukur Ingi Guðnason (81.)

3-1 Gunnar Már Guðmundsson, víti (86.)

Sparisjóðsvöllur. Áhorfendur: 837.

Dómari: Eyjólfur Kristinsson (7)

Skot: 8-6

Varin skot: Jacobsen 2 - Hrafn 4.

Horn: 9-10

Aukaspyrnur fengnar: 8- 7

Rangstöður: 4-1

Keflavík (4-1-4-1):

Lasse Jörgensen 6

Guðjón Árni Antoníusson 6

Bjarni Hólm Aðalsteinsson 7

Alan Sutej 7

Brynjar Örn Guðmundsson 6

Einar Orri Einarsson 6

Magnús Sverrir Þorsteinsson 6

Simun Eiler Samulesen 7 * Maður leiksins

Magnús Þórir Matthíasson 6

(57. Jón Gunnar Eysteinsson 5)

Nicolai Jörgensen 6

(71. Haukur Ingi Guðnason 6)

Hörður Sveinsson 7

(82. Viktor Guðnason -)

Fjölnir (4-4-2)

Hrafn Davíðsson 5

Eyþór Atli Einarsson 5

Ragnar Heimir Guðnason 5

(45. Geir Kristinsson 5)

Ásgeir Aron Ásgeirsson 6

Magnús Ingi Einarsson 5

Kristinn Freyr Sigurðsson 5

Vigfús Arnar Jósepsson 5

(74. Aron Jóhansson -)

Heimir Snær Guðmundsson 5

( 82. Ágúst Þór Ágústsson -)

Tómas Leifsson 7

Gunnar Már Guðmundsson 6

Jónas Grani Garðarsson 6

Leiknum var lýst beint á Boltavaktinni. Smelltu hér til að lesa lýsingu leiksins: Keflavík - Fjölnir.