Liverpool staðfestir söluna á Arbeloa til Real Madrid

Liverpool og Real Madrid hafa náð samkomulagi um kaupverð á Spánverjanum Alvaro Arbeloa en talið er að það sé í krinum 3,5 milljónir punda.

Eina sem stendur nú í vegi fyrir félagsskiptum Arbeloa til uppeldisfélags síns er læknisskoðun en spænski landsliðsmaðurinn mun hafa samþykkt fimm ára samning við Madridinga.

Aðdáendur Liverpool vonast eflaust eftir því að forráðamenn félagsins nái að standa af sér atlögu Madridinga á öðrum spænsku landsliðsmanni hjá Liverpool, Xabi Alonso, sem hefur verið eitt að helstu skotmörkum spænska félagsins í allt sumar.