Murphy vill enda ferilinn hjá Fulham

Fyrirliðinn Danny Murphy hjá Fulham hefur staðfest að hann sé nálægt því að skrifa undir samning við Lundúnafélagið til ársins 2011 en miðjumaðurinn gamalreyndi hefur verið sterklega orðaður við bæði Birmingham og Stoke í sumar.

„Það á aðeins eftir að ganga frá einhverri pappírsvinnu og nokkrum smáatriðum og síðan siglum við þessu í höfn. Aðal málið er samt það að knattspyrnustjórinn vill halda mér áfram og ég vill enda ferilinn hjá félaginu," segir hinn 32 ára gamli Murphy.

Murphy hefur skorað 13 mörk í 79 leikjum með Fulham eftir að hann kom til félagsins frá Tottenham fyrir tveimur árum.