Viðræður um Tevez hefjast í dag

Fréttastofa Sky Sports heldur því fram í dag að fulltrúar Carlos Tevez munu í dag hefja viðræður við fjögur félög úr ensku úrvalsdeildinni.

Þetta munu vera Manchester United, Manchester City, Liverpool og Chelsea. Því er einnig haldið fram að eitt ítalskt félag og eitt spænskt hafi einnig áhuga á að fá Tevez í sínar raðir.

Talið er þó að Tevez vilji vera um kyrrt í ensku úrvalsdeildinni en hann hefur undanfarin tvö ár verið á lánssamningi hjá Manchester United.

Manchester City þykir einna líklegast til að landa Tevez en félagið mun vera reiðubúið að borga honum 140 þúsund pund í vikulaun.