Barnes tekur við Tranmere

Knattspyrnusamband Jamaíku segir það frágengið að John Barnes muni taka við knattspyrnustjórn enska C-deildarliðsins Tranmere nú í sumar.

Barnes er hættur sem landsliðsþjálfari Jamaíku og mun taka við Tranmere í sumar samkvæmt því sem Knattspyrnusamband Jamaíku segir.

„Barnes tryggði sér samning við Tranmere fyrir komandi keppnistímabil og hefur greint Knattspyrnusambandi Jamaíku frá því máli," sagði í yfirlýsingu frá sambandinu í gær.

Barnes lék með Watford, Liverpool og Newcastle á sínum ferli og lék alls 79 leiki með enska landsliðinu.