Santa Cruz vill fá Tevez til City

Nýjasti liðsmaður Man. City, Roque Santa Cruz, vill ólmur fá Argentínumanninn Carlos Tevez einnig til félagsins.

Paragvæinn gekk frá samningi við City í gær en talið er að félagið hafi greitt Blackburn 18 milljónir punda fyrir hann.

„Það væri mjög gott ef Tevez kemur og ég vona að hann komi," sagði Santa Cruz sem er að verða orðinn góður af hnémeiðslum sínum.

„Ég mun leggja hart að mér til þess að verða orðinn góður eins fljótt og mögulegt er. Ég held ég verði orðinn góður þegar undirbúningstímabilið hefst. Það er annars ánægjulegt að vera kominn í svona gott félag eftir öll vandræðin," sagði Cruz.