Við eigum enn von segir Þorsteinn Halldórsson

„Við verðum bara að vinna næsta leik gegn Eyjamönnum, það er úrslitaleikur. Þetta lýtur ekki vel út, það er alveg klárt. Þetta snýst um að vinna leiki og safna stigum," sagði Þorsteinn Halldórsson, þjálfari Þróttar.

„Ég er ekki búinn að afskrifa það að við getum haldið sæti okkar í deildinni, meðan það er von þá höldum við áfram og við ætlum okkur að vera áfram í deildinni en þetta er orðið ansi erfitt," sagði Þorsteinn.

Aðspurður út í frekar snauða sóknartilburði liðsins sagði Þorsteinn.

„Við fengum færi og alveg nógu góð færi til að skora mörk en við erum einfaldlega ekki að nýta færin okkar. Við vorum "passífir" til að byrja með en spýtttum í lófana í þeim síðari en því miður gekk þetta ekki í kvöld. Við verðum að skoða alla möguleika fyrir næsta leik og meðal annars sóknarleikinn," sagði frekar daufur þjálfari Þróttar að lokum.