Stórsigur hjá Crewe

Lærisveinar Guðjóns Þórðarsonar hjá Crewe unnu í dag 4-0 stórsigur á Grimsby í ensku D-deildinni í dag.

Crewe tapaði fyrir Dagenham & Redbridge í fyrstu umferðinni en skaust upp í sjöunda sæti deildarinnar með sigrinum í dag. Grimsby er á botni deildarinnar, stigalaust.

Kongómaðurinn Calvin Zola skoraði tvö marka Crewe í dag, fyrirliðinn Billy Jones eitt og Byron Moore það fjórða í uppbótartíma.

Auk Dag & Red eru Notts County og Bournemouth efst með fullt hús stiga eftir fyrstu tvær umferðirnar.