Umfjöllun: Jafntefli hjá ÍBV og Fram í Eyjum

Aðstæður til knattspyrnuiðkunar voru eins og þær gerast bestar í Vestmannaeyjum í kvöld þegar Fram kom í heimsókn á Hásteinsvöllinn. Bæði lið börðust til síðasta blóðdropa í þessum leik sem endaði með 1-1 jafntefli.

Leikurinn byrjaði af miklum krafti og var fyrri hálfleikur leiksins afar skemmtilegur og mörg færi litu dagsins ljós. Það voru hins vegar Eyjamenn sem náðu forystunni á 29. mínútu með frábæru marki frá Ajay Leicht Smith.

Ajay vann boltann rétt fyrir framan miðju á vallarhelming Frammara, skaust fram úr tveimur varnarmönnun, skeiðaði inn í teig þar sem hann lék á Kristján Hauksson og renndi boltanum fallega framhjá Hannesi í fjærhorniði. Glæsilegt einstaklingsframtak.

Eftir markið efldust leikmenn Fram til muna, sóttu stíft og sköpuðu sér nokkur góð færi en engin afgerandi dauðafæri þangað til að Eyjamenn gerðu sig seka um hræðileg mistök í vörninni.

Á 41.mínútu fékk Kristján Hauksson boltann út á kanti við miðju vallarins, Kristján sendi háan bolta viðstöðulaust að teignum. Elías Fannar Stefnisson hleypur út úr markinu alveg að vítateigslínunni til að hirða boltann en misreiknar hlaupið illa.

Ívar Björnsson nýtt sér mistökin, stökk manna hæst og skallaði boltann í autt markið. Virkilega klaufaleg mistök hjá Elías.

Í seinni hálfleik voru Frammarar hættulegri í sínum sóknaraðgerðum og fengu tvö til þrjú dauðafæri en náðu ekki að reka smiðshöggið á sóknirnar.

Leikur liðanna í seinni hálfleik einkenndist af miðjumoði og ekki er hægt að segja fótboltinn hafi verið áferðafallegur.

Jafntefli því niðurstaðan en Framarar hefðu getað stolið sigrinum með smá heppni.

Eyjamenn eru því á botni deildarinnar á markahlutfalli og verða að fara að girða sig í brók. Frammarar eru hins vegar í 7.sæti og eru á fljúgandi siglingu.

Tölfræðin:

ÍBV-Fram 1-1

1-0 Ajay Leicht Smith (29.)

1-1 Ívar Björnsson (41.)

Hásteinsvöllur: Vestmannaeyjar. Áhorfendur: Ekki gefið upp

Dómari: Garðar Örn Hinriksson 4

Skot (á mark): 11-14 (6-9)

Varin skot: Elías 5 - Hannes 4

Horn: 2-5

Aukaspyrnur fengnar: 14-20

Rangstöður: 1-2

ÍBV (4-4-2)

Elías Fannar Stefnisson 6

Matt Garner 6

Andri Ólafsson 6

Pétur Runólfsson 6

*Andrew Mwesigwa 7 - Maður leiksins

Tonny Mawejje 4

(86,Ingi Rafn Ingibergsson -)

Augustine Nsumba 5

(45,Þórarinn Ingi Valdimarsson 3)

Gauti Þorvarðarson 5

(62,Bjarni Rúnar Einarsson 4)

Eiður Aron Sigurbjörnsson 5

Chris Clements 6

Ajay Leicht Smith 7

Fram (4-5-1)

Hannes Þór Halldórsson 6

Ingvar Þór Ólason 5

Kristján Hauksson 5

(59,Sam Tillen 6)

Auðun Helgason 6

Halldór Hermann Jónsson 5

Daði Guðmundsson 5

Heiðar Geir Júlíusson 6

Almarr Ormarsson 7

Ívar Björnsson 6

(45,Guðmundur Magnússon 5)

Jón Guðni Fjóluson 4

Josep Edward Tillen 5

(80,Hjálmar Þórarinsson -)

Boltavakt Vísis og Fréttablaðsins var með beina lýsingu frá leik ÍBV og Fram í 12. umferð Pepsi-deildar karla.

Smelltu hér til að opna Boltavaktina og lesa lýsingu leiksins: ÍBV - Fram

Það er einnig hægt að nálgast Boltavaktina í Vodafone Live! farsímaþjónustunni.