Það var gola og nokkuð kalt þegar Fylkismenn tóku á móti Fram í kvöld í Árbænum.
Leikurinn á Fylkisvellinum var ekki nema fjörutíu sekúndna gamall þegar Ingimundur Níels Óskarsson kom Fylkismönnum yfir með skalla eftir aukaspyrnu Kjartans Ágústs Breiðdal.
Ekki óskabyrjun Framara sem héldu þó haus og fengu nokkur færi á næstu mínútum en Fjalar Þorgeirsson var vandanum vaxinn í marki Fylkis.
Um miðjan hálfleikinn eða á 20. mínútu átti Pape Mamadou Faye góðan sprett inn í teig Fram og gaf fyrir en boltinn hafði viðkomu í hönd Auðuns Helgasonar og víti dæmt. Valur Fannar fór á punktinn og skoraði af öryggi.
Framarar voru meira með boltann það sem eftir lifði hálfleiks en náðu þó ekki að skora.
Þorvaldur Örlygsson hefur látið sína menn heyra það í hálfleik því þeir komu mun grimmari til leiks eftir leikhlé.
Fjalar Þorgeirsson átti góðan leik í kvöld. Hann bjargaði sínum mönnum ítrekað með frábærum vörslum. Ber þar hæst að nefna skot frá Almarri Ormarssyni sem var fast niðri í vinstra hornið en Fjalar kastaði sér eins og köttur niður og varði boltann. Ótrúleg tilþrif.
Á 90. mínútu náðu Framarar að komast framhjá Fjalari þegar hann brá sér í skógarferð eftir hornspyrnu. Hinn ungi Guðmundur Magnússon skoraði með skalla og minnkaði muninn fyrir fram. Það dugði þó ekki til og sigur fylkismanna staðreynd.
Eftir leikinn sitja Fylkismenn í þriðja sæti deildarinnar en framarar í því sjöunda.
Fylkir – Fram 2-1
1-0 Ingimundur Níels Óskarsson (1.)
2-0 Valur Fannar Gíslason (21.)
2-1 Guðmundur Magnússon (90.)
Fylkisvöllur. Áhorfendur: 1028
Dómari: Magnús Þórisson (6)
Skot (á mark): 9-10 (6-7)
Varin skot: Fjalar 6 - Hannes 4.
Horn: 2-6
Aukaspyrnur fengnar: 7-11
Rangstöður: 3-3
Fylkir (4-3-3):
Fjalar Þorgeirsson 8 ML
Andrés Már Jóhannesson 7
Kristján Valdimarsson 7
Ólafur Stígsson 7
Kjartan Ágúst Breiðdal 7
Ingimundur Níels Óskarsson 7
Theódór Óskarsson 6
(78 Kjartan Baldvinsson -)
Ásgeir Börkur Ásgeirsson 6
Valur Fannar Gíslason 6
Halldór Arnar Hilmisson 6
(82 Davíð Þór Ásbjörnsson -)
Pape Mamadou Faye 6
(68. Albert Brynjar Ingason 5)
Fram (4-4-2):
Hannes Þór Halldórsson 6
Daði Guðmundsson 6
Kristján Hauksson 6
Auðun Helgason 5
Samuel Tillen 6
(74. Joseph Tillen -)
Heiðar Geir Júlíusson 6
Jón Guðni Fjóluson 6
Halldór Hermann Jónsson 6
Paul McShane 7
Hjálmar Þórarinsson 6
(74. Guðmundur Magnússon -)
Almarr Ormarsson 6
(74. Björn Orri Hermannsson -)
Smelltu hér til að opna Boltavaktina og lesa lýsingu leiksins sem fór fram í kvöld: Fylkir - Fram
