Brottvísun McCartney dregin til baka

Rauða spjaldið sem varnarmaðurinn George McCartney hjá Sunderland fékk að líta í leik gegn Manchester City um helgina hefur verið dregið til baka eftir áfrýjun Sunderland.

McCartney var rekinn af velli eftir aðeins 15 mínútur í 1-0 tapi Sunderland þegar hann braut á Shaun Wright-Phillips sem var að sleppa í gegn.

Dómarinn Steve Tannar vísaði McCartney af velli eftir að hafa ráðfært sig við línuvörð, en ákvörðun hans kom öllu Sunderlandliðinu í opna skjöldu.

Norður-Írinn McCartney verður því á sínum stað í liði Sunderland gegn sínum gömlu félögum í West Brom þegar liðin mætast í sannkölluðum sex stiga leik þann 4. apríl nk.