Umfjöllun: Varnarsigur Vals

Valsmenn sóttu þrjú mikilvæg stig á Kópavogsvöll í kvöld þar sem gæði fótboltans viku fyrir baráttu og þéttum varnarleik.

Segja má að leikskipulag Valsmanna hafi gengið fullkomlega upp í kvöld. Liðið lagði áherslu á varnarleik og var þétt til baka frá fyrstu mínútu en engu að síður voru Valsmenn hættulegri allt þar til þeir komust yfir á 22. mínútu með marki Baldurs Bett.

Strax eftir markið færðu Valsmenn sig enn aftur og freistuðu þess að beita skyndisóknum og fengu tvö færi til að bæta við marki í fyrri hálfleik sem misfórust.

Blikar hófu leikinn á afturlöppunum og fóru ekki að sækja fyrr en liðið var lent undir. Þá mætti þeim þéttur varnarmúr sem þeir komust ekki yfir og fyrir utan nokkur skot utan af velli ógnuðu heimamenn í grænu lítið í leiknum.

Fótbolti kvöldsins var ekki áferðafallegur en það man enginn eftir því þegar mótið er búið og stigin verða gerð upp. Valsmenn gerðu það sem þeir ætluðu sér. Sóttu þrjú stig á erfiðan heimavöll og komu í veg fyrir að Blikar gætu leikið sinn leik.

Engu að síður hlýtur slakur sóknarleikur liðsins að vera áhyggjuefni því liðið náði engan vegin að koma sér í þær stöður sem boðið var uppá þegar Blikar færðu sig sífellt framar á völlinn. Sendingar misfórust og rangar ákvarðanir voru teknar.

Breiðablik-Valur 0-1

0-1 Baldur Bett ´22

Dómari: Garðar Örn Hinriksson 5

Áhorfendur: 1301

Skot (á mark): 9(7)-6(2)

Varið: 1-6

Aukaspyrnur: 11-18

Horn: 7-4

Rangstöður: 4-1

Breiðablik 4-5-1:

Ingvar Þór Kale 5

Arnór Sveinn Aðalsteinsson 6

Finnur Orri Margeirsson 6

Kári Ársælsson 3

Kristinn Jónsson 7

Alfreð Finnbogason 6

Olgeir Sigurgeirsson 5

Guðmundur Kristjánsson 4

(74. Arnar Sigurðsson -)

Arnar Grétarsson 6

Kristinn Steindórsson 4

(85. Aron Már Smárason -)

Haukur Baldvinsson 5

Valur 4-4-2:

*Haraldur Björnsson 7 Maður leiksins

Reynir Leósson 6

Atli Sveinn Þórarinsson 6

Guðmundur Viðar Mete 6

Bjarni Ólafur Eiríksson 4

Ólafur Páll Snorrason 5

Ian Jeffs 4

Baldur Bett 5

(81. Einar Marteinsson -)

Hafþór Ægir Vilhjálmsson 4

(90. Viktor Unnar Illugason -)

Marel Jóhann Baldvinsson 5

Helgi Sigurðsson 6