Magnús Már: Gunni lét okkur heyra það í hálfleik

Magnús Már Lúðvíksson, leikmaður Þróttar og lánsmaður frá KR, var að vonum ánægður með sigurinn að leik loknum og þá sérstaklega þar sem nokkra lykilmenn vantaði í lið Þróttar.

Hann sagði að útlitið hefði orðið slæmt ef þeir hefðu ekki klárað þennan leik en með sigrinum erum við komnir inn í pakkann og þar að auki eflir þetta sjálfstraustið, sagði Magnús.

Það var enn fremur nauðsynlegt að hleypa eyjamönnum ekki langt frá okkur en með sigri hefðu þeir komist í níu stig en nú erum við einu stigi frá þeim, sagði Magnús sem stóð sig mjög vel í leiknum og lagði upp bæði mörk Þróttar. Þeir lágu ansi mikið á okkur í fyrri hálfleik en Gunni (Gunnar Oddsson, þjálfari Þróttar) lét okkur heyra það í hálfleik og þetta var allt annað í seinni hálfleik. Við verðum einfaldlega að vinna okkar leiki og þá sérstaklega heimaleikina þannig að ég er mjög sáttur, sagði Magnús að lokum.